Kataloniyaning «Barselona» klubi bugun o‘tkaziladigan maxsus matbuot anjumanida Alibaba Group bilan tuzilgan shartnoma borasida rasmiy ma'lumot berishi kutilmoqda.
2017/18 yilgi mavsumdan boshlab ispan klubining titul homiysi Xitoyning AliExpress riteyleri bo‘lishi lozim. Bu kompaniya internet orqali savdoni amalga oshiruvchi dunyoning yetakchi onlayn tarmoqlaridan biri bo‘lib Alibaba Group konserni tizimidagi korxona sanaladi.
Endilikda jamoa futbolkalariga AliExpress yozuvi tushiriladi.
Eslatib o‘tamiz, 2010 yildan bugungi kunga qadar «Barselona»ning titul homiysi Qatar Airways bo‘lib kelgan.
