BMT bosh kotibi Rossiya va AQShni yadroviy qurolsizlanishga doir muzokaralarni qayta tiklashga chaqirdi

Rossiya va AQSh  yadroviy qurolning (YaQ) barcha turlarini qisqartirishga doir muzokaralarni qayta tiklashlari kerak. BMT bosh kotibi Pan Gi Mun Nyu-York universitetida qurolsizlanish haqida nutq so‘zlab, ana shunday fikr bildirdi. Bu haqida TASS agentligi ma'lum qildi.

Joriy yilning oxirida BMTning ma'muriy rahbar lavozimini tark etayotgan Pan Gi Mun global xavfsizlikka "xalqaro munosabatlarni izchil qurolsizlantirish orqali" erishish bo‘yicha o‘z konsepsiyasini taklif qildi. U bu yo‘lda eng asosiysi - "insoniyatga xavf solishda davom etayotgan" yadroviy qurolni bartaraf qilish ekanligini ta'kidladi. Uning so‘zlariga ko‘ra, yadroviy qurolni taqiqlovchi  konvensiya qabul qilinishi lozim.

"Bu maqsadga erishish keng qamrovli, interaktiv va konstruktiv yondashuvlarni talab qiladi. Shu munosabat bilan dunyoning eng yirik yadroviy aslahalarini (taxminan 95 foiz) o‘zida jamlagan Rossiya Federatsiyasi va Qo‘shma Shtatlar har qanday turdagi yadroviy qurolni qisqartirishga doir muzokaralarni qayta tiklashlari kerak. Bir vaqtning o‘zida barcha davlatlar yadroviy qurolsizlanish orqali tinchlikka erishish maqsadini qo‘llab-quvvatlovchi siyosatni olib borishlari lozim", - deya ta'kidladi BMT bosh kotibi. 

Uning so‘zlariga ko‘ra, BMTning qurolsizlanishga oid mexanizmlari bir joyda to‘xtab qolgan. Pan Gi Mun BMTning Jyenevadagi qurolsizlanishga doir Konferentsiyasini bunga misol sifatida keltirib o‘tdi - ishtirokchilar 20 yildan beri bu borada bir to‘xtamga kelishmagan.