Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Месси клуб сафида халқаро ўйинларда 100та гол урган илк футболчи бўлди
09:55 / 24.11.2016
3159

Европа Чемпионлар лигасининг гуруҳ босқичи 5-тури доирасида «Селтик» жамоасига қарши кечган ва «Барселона»нинг 2:0 ҳисобидаги ғалабаси билан якунланган ўйиндаги голлар муаллифи бўлган Лионель Месси ўз клуби сафида халқаро мусобақалардаги голлари сонини 100тага етказди. 

Аргентиналик футболчи ушбу голларнинг 92тасини ЕЧЛда, 5тасини клублар ўртасидаги жаҳон чемпионатида ва 3тасини Европа Суперкубогида уришга муваффақ бўлган (жами 119та ўйин).

Бу борада иккинчи ўринда — «Реал» ҳужумчиси Криштиану Роналду. У «Спортинг», «Манчестер Юнайтед» ва «Реал» сафидаги халқаро мусобақаларда 99та гол муаллифи бўлган: ЕЧЛда — 96та, клублар ўртасидаги ЖЧда  — 1та, Европа Суперкубогида — 2та. Бу натижа учун у 141та ўйинда майдонга тушган.


Улашинг
Top