Gretsiya poytaxti Afinada joylashgan kafelardan birida portlash ro‘y berdi.
Mahalliy nashrlarda yozilishicha, portlash oqibatida 38 yoshli ayol halok bo‘lgan va 6 kishi jarohatlangan holda shifoxonaga olib borilgan.
Politsiya hodisa joyini halqa bilan o‘rab olgan.
Qayd etilishicha, portlashdan keyin kafe hududida yong‘in boshlangan.
Portlash sabablari hozircha ma'lum emas.
