Suratga qarab qo‘shiq yaratadigan sun'iy ong yaratildi

Kanadalik olimlar suratdagi tasvirni o‘qib, u haqida qo‘shiq yaratadigan dastur ixtiro qilishdi. Bu haqda The Guardian nashri xabar bermoqda. 

Dekabr boshida Torontoda suratdagi tasvirni skanerlab qo‘shiq yaratadigan dasturni taqdim qilishdi. Ma'lum qilinishicha, dastur yaratuvchilari 100 soat musiqani o‘z ichiga olgan ma'lumotlar bazasi yordamida dasturni qo‘shiq yaratishga o‘rgatishgan. 

Bundan tashqari, olimlar dastur qo‘shiq matnini tuza olishi uchun musiqasiz, qo‘shiqlar matnining o‘zi yozilgan 51 soatlik audioyozuvni qo‘llashdi.

Natijada qo‘shiq yaratuvchi sun'iy ongning so‘z boyligi 3400 ga yaqin ingliz so‘zidan iborat bo‘ldi.