Italiya bosh vaziri iste'foga chiqishi mumkinligi xaqida bayonot berdi

Italiya bosh vaziri Matteo Rentsi iste'foga chiqishi mumkin, deb xabar qilmoqda Bloomberg agentligi.

Rentsi mamlakatda konstitutsiyaviy islohot o‘tkazish bo‘yicha o‘tkazilgan referendumda mag‘lub bo‘lganini tan olgan hamda 5 dekabrda iste'fo berish niyatida ekanini bildirgan. 

«Men mag‘lub bo‘ldim, men buni ochiq aytaman», — degan italyan bosh vaziri. 

U shuningdek, islohotga norozilik bildirganlarni g‘alaba bilan qutlagan. Italiya bosh vazirining so‘zlariga ko‘ra, u faoliyatidan afsuslanmaydi. 

«Mening hukumatdagi tajribam shu yerda tugaydi», — degan Rentsi.