Qozog‘iston prezidenti Nursulton Nazarboyev AQShning yangi saylangan prezidenti Donald Tramp bilan bo‘lgan suhbati haqida gapirib berdi. Bu haqda Tengrinews portali xabar bermoqda.
Nazarboyevning aytishicha, suhbat davomida Tramp unga: «Siz Qozog‘istonda mo‘'jiza qildingiz», deb aytgan.
«Buni men emas, Tramp aytayapti», — deb ta'kidlagan Qozog‘iston prezidenti.
Nazarboyev bu borada o‘z fikrini bildirar ekan «menimcha unga (Trampga) ma'lumotlarni bizning neftchilar (qozog‘istonlik) yetkazgan».
Nursulton Nazarboyev va Donald Tramp o‘rtasidagi telefon muloqoti 30 noyabr kuni bo‘lib o‘tgan edi.
