Turkiyaning F-16 qiruvchisi halokatga uchradi

Turkiya bosh shtabi OAV tomonidan F-16 qiruvchi samolyotining mamlakat janubi-sharqida joylashgan Diyorbakir aviabazasida halokatga uchragani haqidagi xabarni tasdiqladi. Ma'lumotga ko‘ra, samolyot uchuvchisi jabrlanmagan.

“Turkiya harbiy-havo kuchlarining F-16 qiruvchi samolyoti 12 dekabr kungi o‘quv mashg‘ulotlaridan so‘ng, noma'lum sabablarga ko‘ra halokatga uchragan. Uchuvchi jabrlanmagan. Voqea sabablarini o‘rganish boshlab yuborildi”, — deyiladi bosh shtab bergan ma'lumotda.

Diyorbakirda Turkiya harbiy-havo kuchlarining bazasi joylashgan bo‘lib, bu yerdan parvoz etadigan qiruvchi samolyotlar mamlakatda taqiqlangan Kurdiston ishchi partiyasi va IShID terrorchilik tashkilotining marralariga aviazarbalar beradi.