Eyfel minorasi ishchilari ish tashlashni to‘xtatishga rozi bo‘ldilar

Parijdagi Eyfel minorasi ishchilari 5 kun davom etgan ish tashlashdan keyin yana ishga chiqishga rozi bo‘ldilar, deb xabar bermoqda Le Parisien.

Bu qaror kasaba uyushmalarining umumiy yig‘ilishida e'lon qilindi. Minora o‘z ishini mahalliy vaqt bilan soat 13.30da (Toshkent vaqti bilan soat 17.30da) boshlashi kerak edi. 

Ikkala tomon – ishchilar va kasaba uyushmalari rahbarlari hamfikrlik haqidagi memorandumni imzolashgan. Ishchilarning aytishicha, minoraning birinchi qavatidagi yaxmalakni ochishga 4 kun talab qilinadi.

Avvalroq minora ishchilari ishlarini to‘xtatib, ish sharoitining yaxshilanishi va maoshning oshirilishi talabi bilan ish tashlashni e'lon qilishgani ma'lum qilingandi.