Madridning «Real» klubida Xorxe Valdano bosh murabbiy bo‘lib ishlaganida unga yordamchilik qilgan mutaxassis Anxel Kappa «Qirollik klubi» prezidenti Florentino Peresni tanqid qildi. Kappaning hisoblashicha, Peres futbol haqida hech narsa bilmaydi.
«Real» tarkibida ajoyib futbolchilar bor, haqiqiy yulduzlar. Ammo klubning o‘z futboli va o‘yin falsafasi yo‘q. Ular futbolchilarni sotib oladi, murabbiylarni almashtiradi va o‘yin g‘oyasi ham o‘zgaraveradi.
Mana «Barselona»ni qaraylik, bu jamoada futbol falsafasi bor. Gap shundaki, Peres futbol haqida hech vaqoni tushunmaydi», — deya Kappaning so‘zlarini keltirgan AS.
