Video: Qarg‘a Estoniya fuqarosidan pasportini olib qochib ketdi

Rossiyaning Ivangoroddagi avtomobillarni o‘tkazish punktida ham kulgili, ham achinarli holat yuz berdi. Bu yerda bojxona rasmiylashtiruvi vaqtida qarg‘a Estoniya fuqarosi pasportini yulib olib qochib ketdi.

"Surbet qush hujjatni yulib olib, uchib ketdi. Hammasi shunchalik tez sodir bo‘ldiki, hech kim nima bo‘layotganini anglay olmay qoldi", deb aytildi bojxona saytida. Bojxonachilar "bechora" erkakka yordam berishga harakat qilganlar, ulardan biri hattoki qushning ortidan quvlashga tushgan, biroq qarg‘a pasport bilan Estoniya tomon g‘oyib bo‘lgan. Estoniyalik foydalanuvchilar hazillashib, qush rus qarg‘asi bo‘lganini aytishgan.