Avstriyada 508 kishi ishtirokida chanada tushish bo‘yicha rekord o‘rnatildi (Video)

Avstriyaning yuzlab fuqarolari Ginnessning rekordlar kitobiga kirish maqsadida chanada tog‘dan bir qator bo‘lib tushishdi, deb yozmoqda UPI.

Mamlakatning Bramberg shahrida joylashgan Vildkogel-arena tog‘ dam olish maskanida 508 kishi to‘planishdi. Ular chanalarini o‘zaro zanjirlar bilan bog‘lashgan. Uning uzunligi 750 metrni tashkil etgan. So‘ngra chanada uchish sporti bo‘yicha jahon chempioni Lea Geiger ortidan pastga sho‘ng‘ishgan.

Bramberg sayyohlik markazi va Vildkogel tog‘ temir yo‘lining 20 nafar xodimi bir necha oy mobaynida ushbu voqeaga tayyorgarlik ko‘rishgan. 

Ginness rekordlar kitobi vakillari 508 chanadan iborat qatorni dunyodagi shu kabi eng uzun tushish deb tan olishdi. 

Avstriya, Ginness rekordi