Ashxobodda oliy darajadagi uchrashuvlar so‘ngida Turkmaniston prezidenti Gurbanguli Berdimuhamedov va O‘zbekiston prezidenti Shavkat Mirziyoyev ommaviy axborot vositalari qarshisida chiqishdi. Siyosatchilar ikki tomon transport sohasidagi hamkorlikning mustahkamlanishidan manfaatdor ekaniga urg‘u qaratgan.
Turkmaniston prezidenti Gurbanguli Berdimuhamedovning qayd etishicha, tomonlar transport sohasida zamonaviy infratuzilmani barpo etish maqsadidagi hamkorlikni davom ettiradi. Bu orqali Markaziy Osiyo, Yevropa va Yaqin Sharq transport tizimlarini birlashtirish mumkin bo‘ladi. Xususan, Turkmaniston O‘zbekiston-Turkmanistan-Kaspiy dengizi-Janubiy Kavkaz yo‘nalishidagi yo‘lak tuzilishida hamkorlik qilishga tayyor. Bu yo‘lak Gruziya, Turkiya, Ruminiya va boshqa davlatlarning Qora dengizdagi portlariga olib chiqishi mumkin bo‘ladi.
2011 yili Ashxobodda, Markaziy Osiyodan Yaqin va O‘rta Sharqqa olib boruvchi xalqaro va tranzit koridorini barpo etish bo‘yicha ishtirokchilar orasida Turkmaniston va O‘zbekiston ham bo‘lgan besh tomonlama tuzilgan kelishuvni faollashtirish bo‘yicha kelishib olingan.
