Olimlar internet orqali limonad ta'mi va rangini uzatishga muvaffaq bo‘ldilar

Singapur milliy universiteti olimlari antiqa ishlanmani taqdim qildilar. Ular internet orqali limonadning ta'mi va rangini uzatishga imkon beruvchi antiqa usulni yaratishdi. Bu haqda mahalliy OAV xabar bermoqda. 

Olimlar o‘z ishlanmalarida bo‘yoqlar va kislota datchiklaridan foydalanishgan. Ular suv, elektrod va yorug‘lik diodlari bilan jihozlangan qurilmaga zarur ma'lumotni uzata olishgan. Elektrod va suv limonadning nordon ta'mini, yorug‘lik diodlari esa rangini hosil qilgan.

"Klonlashtirilgan" limonadni tatib ko‘rganlar u yetarlicha nordon emasligini, biroq haqiqiy limonad ta'miga ancha yaqin bo‘lganini qayd qilishgan. Olimlar kelajakda limonad hidini uzatishga imkon beruvchi usulni yaratishmoqchi.