27 aprel kuni Halab shahrida Suriya futbol premer-ligasi doirasidagi uchrashuv o‘tkaziladi. TASS agentligi xabariga ko‘ra, Halabning «Al-Ittihod» va Damashqning «Al-Jayish» jamoalari uchrashadi.
Uchrashuv va muxlislar xavfsizligini ta'minlash uchun rossiyalik harbiylar bataloni jalb etiladi.
«Hali ham hududda vaziyat butunlay tinchigani yo‘q. Stadionga kiruvchilardan petardalar olib qo‘yiladi, portlovchi moddalar olib kirilmasligi ta'minlanadi», — degan harbiy politsiya bo‘limi komandiri Aslambek Bersanov.
Ushbu uchrashuvga yo‘llar notinchligi uchun Damashqdan muxlislar tashrif buyurishmagan.
O‘tgan oyda ozod etilgan Halabda 25 aprel kuni ijtimoiy obektlar faoliyati tiklangandi.
