«Paxtakor» stadionidagi yugurish yo‘laklari olib tashlanadi

Toshkentning «Paxtakor» klubi uy stadioni haqiqiy futbolga ixtisoslashtirilgan stadionga aylantiriladi. Bu haqida championat.asia nashri xabar tarqatdi.

Manbaga ko‘ra, hozirda stadionning yangi ko‘rinishi bo‘yicha yevropalik arxitektorlar bilan ish olib borilmoqda. Ular stadionning yugurish yo‘laklarini olib tashlash va tomoshabinlar o‘rindiqlari sonini oshirish ustida ishlashmoqda.

Bundan oldinroq «Paxtakor» klubida o‘zgarish ro‘y bergan va yangi rahbariyat stadionni qaytadan rekonstruksiya qilishi haqida xabarlar tarqalgandi.