Dubaylik tadbirkorlar chiroyli avtomobil raqamlari uchun 1 million dollardan ko‘p sarfladi

Joriy yilning 6 may kuni Grand Hyatt mehmonxonasida Dubay yo‘l va transport boshqarmasi (RTA) tomonidan o‘tkazilgan navbatdagi 95 – ochiq kimoshdi savdosida ikki nafar biznes-sheriklar Odil Abdul Aziz Al Matrushiy va Holid Salmin bir necha avtomobil raqamlari uchun 4.4 million dirham (1.22 million dollar) sarflashdi.

Ular xarid qilgan lotlar orasida ikkinchi eng qimmat lot -  H33 raqami ham bor edi. Uning uchun tadbirkorlar 2,82 million dirham (767.800 dollar) to‘lashdi.

H33 raqamidan tashqari sheriklar quyidagi raqam belgilarni olib ketishdi: K8888 (182.400 dollar), O120 (95.300 dollar), R3030 (35.400 dollar), P7700 (31.600 dollar), K8800 (22.900 dollar) va yana bir necha kamyob raqamlar ham ularniki bo‘ldi.

Love in Dubai nashrining so‘zlariga ko‘ra, Dubayda yangi mashina sotib olganda undagi ot kuchi, dvigatelning o‘lchami yoki uning modeli katta rol o‘ynamaydi, balki unga taqiladigan raqamli belgi muhim hisoblanadi. O‘tkazilgan 95 – ochiq kimoshdi savdosida umumiy hisobda uning qatnashchilari 27.751 million dirham miqdorida mablag‘ sarflashdi.

RTA boshlig‘ining so‘zlariga ko‘ra, “95 – ochiq kimoshdi savdosida uning qatnashchilari 27.751 million dirham miqdorida mablag‘ sarflashlari boshqarma o‘tkazayotgan savdo tadbirlarining mashhur bo‘layotganligidan dalolat beradi”.