Daniya poytaxtida noma'lum erkak politsiyaga qurol bilan tahdid qildi

Daniya poytaxti Kopengagenda politsiyachilar otishma sodir bo‘lgan tumanni qurshab olishdi. Bu yerda noma'lum erkak politsiyachilarga qurol bilan tahdid qilgan. Politsiyachilar bunga javoban qoidabuzarga o‘q uzishgan va uni sonidan yaralashgan. Erkak shifoxonaga olib ketilgan.

"Bu odam politsiyachilarga qurol bilan tahdid qildi", deb ma'lum qildi shahar politsiyasi vakili Xenrik Myoller Yakobsen.

Uning aytishicha, erkakning ahvoli haqida hozircha hech qanday ma'lumot yo‘q.

Otishma shahar markazida, "Tivoli" ko‘ngilochar bog‘i yonida yuz bergan.