JCh-2018: Bosniya va Gretsiya o‘rtasidagi uchrashuv ommaviy mushtlashuv bilan yakunlandi

2018 yilgi Jahon chempionatining saralash bosqichidan o‘rin olgan Bosniya va Gertsegovina hamda Gretsiya o‘rtasidagi uchrashuv jamoalar futbolchilarining ommaviy mushtlashuvi bilan yakunlandi. Mushtlashuvga murabbiylar shtabi vakillari ham qo‘shilishgan. Uchrashuv esa 0:0 hisobida yakunlandi.

Globo Esporte nashrining ma'lum qilishicha, janjalning chiqishiga bosniyaliklar hujumchisi Edin Jyeko sababchi bo‘ldi. U o‘yin tugashiga hushtak chalingandan keyin Gretsiya termasi himoyachisi va "Roma" klubi bo‘yicha jamoadoshi Kostas Manolas bilan janjallashib ketgan. 

Mushtlashuv davomida bosniyaliklar bosh murabbiyi yordamchisi Stefan Jilli greklar yarim himoyachisi Yannis Yanniotasning tishini urib tushirgan. Bundan tashqari, Bosniya muxlislari o‘yinchilarga turli buyumlar uloqtirishgan.