«Guanchjou Evergrand» yarim himoyachisi Paulino «Barselona»ga o‘tmaydi. Katalonlar jamoasi ushbu braziliyalik futbolchi 20 mln yevro to‘lashga tayyor edi, ammo «Guanchjou Evergrand» rahbariyati maxsus bayonot berib, ushbu futbolchisi sotilmasligini ma'lum qilgan.
«Paulino 2017 yil yanvarida shartnomani uzaytirgan. U bizning uzoq muddatga mo‘ljallangan loyihamiz uchun muhim futbolchi. Shuning uchun maxsus bayonot berib, «Barselona»ga Paulino bo‘yicha javobimizni bermoqchi bo‘ldik. «Barselona»ga qiziqish uchun minnatdorchilik bildiramiz», — deyilgan Goal tomonidan keltirilgan bayonotda.
28 yoshli xavbek bilan xitoyliklar shartnomasi 2020 yilga qadar tuzilgan.
