Hamburgda 300ga yaqin namoyishchi qo‘lga olindi

Hamburgda G20 sammiti arafasida boshlangan antiglobalistlar namoyishlari davomida qo‘lga olinganlar soni 288 kishini tashkil qilmoqda, ulardan 144 nafari hibs qilingan. Bu haqda Die Welt nashri Hamburg politsiyasi vakiliga asoslangan holda xabar tarqatgan.

Bundan avvalgi xabarlarda qo‘lga olinganlar soni 100 nafar ekani aytilgandi.

To‘qnashuvlar vaqtida 196 politsiyachi jarohatlangan. Politsiya ma'lumotiga ko‘ra, aksiyalarda 8 ming kishi qatnashgan. O‘tgan tunda tartibbuzarlarga qarshi keskin choralar ko‘rilishi boshlangandi. Politsiyachilar turli vositalar bilan ko‘chalarga chiqqanlarni tarqata boshlagan.

Germaniya ichki ishlar vaziri Zigmar Gabriel Hamburgdagi namoyishlar mamlakatning xalqaro maydondagi obro‘siga putur yetkazadi, deb hisoblaydi. Janob Gabrielning hisoblashicha, zo‘ravonliklar jazosiz qolmasligi kerak. U radikal harakatlarni tekshirish bo‘yicha umumevropa guruhi tuzishga chaqirgan.