Kun fotosi: Jaziramani mensimagan inspektor o‘z postini tashlab ketmadi

Ayni kunlarda butun O‘zbekiston bo‘ylab jazirama kunlar o‘tmoqda. Avval xabar berganimizdek, ob-havo o‘zining tarixiy maksimumini takrorlash arafasida. Mutaxassislar bunday paytlarda, salqin joylarda, uyda yoki ishxonada bo‘lishni tavsiya etishadi. 

Ammo kasbi tufayli jaziramani ham mensimay mehnat qilayotgan fidokor insonlar uchun ob-havoning qanday kelishi chikora ish. Ijtimoiy tarmoqlarda ana shunday issiq kunda o‘z o‘rnini tashlab ketmay, yo‘l harakat xavfsizligini ta'minlayotgan inspektorning jonkuyarligi haqida ma'lumot paydo bo‘ldi.

“Ko‘chada 50 daraja issiq, ammo u bir soatdan beri ishlamoqda. Bunday inspektorlar hurmatga loyiq”, - deb yozadi post muallifi.   

Ijtimoiy tarmoqlardan foydalanuvchilarning aksariyati mazkur inspektorning xatti-harakatini olqishlashgan.