Liviyaning Tobruk shahri yaqinidagi sahroda, Misr bilan chegarani noqonuniy kesib o‘tgan 40dan ortiq muhojirlarning jasadlari topildi. Bu haqda Qizil yarimoy jamiyati ma'lumotiga asoslangan holda «Al-Masri al-Yaum» gazetasi xabar yozgan.
Gazeta suhbatdoshining so‘zlariga ko‘ra, harbiylar sahroda 28 jasadni aniqlagan, beduinlar esa yana 18 jasad topgan. Ayni vaqtda 7 kishining shaxsi aniqlangan, ular Misr fuqarolaridir.
Hodisa yuzasidan tekshiruvlar o‘tkazilmoqda.
Mahalliy politsiya ma'lumotiga ko‘ra, muhojirlar 4 kun oldin suvsizlik va ochlikdan halok bo‘lgan.
