«Shanghay SIPG» Xitoy superligasining 17 turi doirasidagi uchrashuvda mehmonda musobaqa jadvalida so‘nggi o‘rinni egallab turgan «Yanbyan Fuda» jamoasini 3:1 hisobida mag‘lub etdi.
Uchrashuvning sakkizinchi daqiqasida Elkeson hisobni ochgan bo‘lsa, 84-daqiqada U Ley ikkinchi to‘pni kiritdi. Mezbonlar bir necha daqiqa o‘tib bitta to‘p kiritishdi, biroq, qo‘shib berilgan daqiqalarda Halk yakuniy natijani o‘rnatdi – 3:1.
Andre Villash-Boash jamoasi musobaqa jadvalida birinchi o‘ringa chiqib oldi «Guanchjou Evergrand»ni hozircha ikki ochkoga ortda qoldirmoqda.
Ta'kidlab o‘tish joizki, «Shanghay SIPG»ning «Yanbyan Fuda» klubiga qarshi uchrashuvida o‘zbekistonlik futbolchi Odil Ahmedov to‘liq 90 daqiqa harakat qildi.
