CNN: Al Jazeera texnik xato tufayli Saudiya Arabistonida vaqtincha ishladi

Ar Riyodning Doxa bilan diplomatik munosabatlarni uzganidan so‘ng, Qatarning Saudiya Arabistonida faoliyati taqiqlangan Al Jazeera telekanali saytining vaqtincha ishlashiga texnik nuqsonlar sabab bo‘lgan. Bu haqda Podshohlik devonxonasida vazir darajasidagi maslahatchi Saud al Qohtaniy ma'lum qildi, deb xabar bermoqda CNN - Arabic.

"Qatar OAVga qo‘yilgan to‘siqning olinishi texnik nuqson tufaylidir. U yaqin orada tuzatiladi", - deb yozgan Al Qohtaniy Twitter sahifasida.

CNN – Arabic telekanaliga ko‘ra, ijtimoiy tarmoqlar foydalanuvchilari Qatar OAVga qo‘yilgan taqiqning bekor qilinishini Ar Riyod tomonidan yaxshi ishora sifatida baholashgan. Al Qohtaniy bu fikrni ham rad etgan.