ABC: Alabama qamoqxonasidan 12 mahbus juftakni rostladi

Amerikaning Alabama shtatidagi qamoqxonadan 12 jinoyatchi qochib ketdi, deb xabar qilmoqda ABC telekanali.

Xabar qilinishicha, ushbu holat shtat shimolidagi Uoker okrugida joylashgan axloq tuzatish koloniyasida yuz bergan. Qamoqxona ma'muriyati mahbuslarning qanday qilib ozodlikka chiqib ketganiga doir tafsilotlarni ma'lum qilmagan. 

Qochoqlarning 6 nafari ushlangan. Yana olti jinoyatchi qidirilmoqda. Ularning ikki nafari qotillikka urinishda ayblangan xavfli jinoyatchilar ekani ta'kidlanmoqda. 

Qamoqdan qochganlar 19-30 yosh oralig‘idagi kishilardir. Politsiya jinoyatchilarning suratlari va ism-shariflarini e'lon qilgan.