Rossiyaning Novosibirsk viloyati Kupinsk tumanida joylashgan Sladkoye ko‘li chegaralarning demarkatsiyasidan so‘ng Qozog‘istonga berildi. Bu haqda Kupinsk tuman ma'muriyati saytida xabar qilingan.
«Demarkatsiya ishlarini o‘tkazishdan avval Kupinsk tumanining Pokrovka qishlog‘idan 5 kilometrlik masofada joylashgan Sladkoye ko‘li bir qismi Rossiya Federatsiya hududida edi. Ov mavsumi paytida ushbu ko‘lga juda ko‘plab ov havaskorlari kelardi – mahalliy aholi vakillari ham, Novosibirsk va Omsk viloyatlarining tumanlarida yashovchilar ham», - deyiladi xabarda.
Demarkatsiya yakunlanganidan so‘ng ko‘l butunlay Qozog‘istonga o‘tdi. Tuman ma'muriyati shu sababdan mahalliy aholi va bu yerga kelganlarni chegara rejimini buzmaslik haqida so‘ramoqda.