Ericsson 25 mingga yaqin xodimni ishdan bo‘shatmoqchi

Shvetsiyaning Ericsson kompaniyasi xorijiy ofislarda 25 mingga yaqin xodimni ishdan bo‘shatishi mumkin. Bu xarajatlarni qisqartirish bo‘yicha choralar doirasida amalga oshiriladi, deb xabar bermoqda Svenska Dagbladet manbalarga asosan.

Aniqlik kiritilishicha, ishdan bo‘shatishlar Ericsson’ning Shvetsiyadagi xodimlariga aloqador bo‘lmaydi.

Manba ma'lumotiga ko‘ra, alohida davlatlarda shtatning 80-90 foizi qisqartirilishi mumkin.

Nashrning ta'kidlashicha, ayni damda Ericsson’ning umumiy shtati 109 ming kishini tashkil etadi.