AQSh hukumati Amazon’ning 13,7 mlrd dollarlik xaridini ma'qulladi

Foto: Reuters

AQSh Federal savdo komissiyasi (FTC) Amazon kompaniyasi tomonidan Whole Foods sog‘lom oziq-ovqat mahsulotlari supermarketlari tarmog‘ini 13,7 mlrd dollarga xarid qilishi bilan bog‘liq kelishuvni ma'qulladi. Bu haqda monopoliyaga qarshi idora saytida xabar berilgan.

Komissiyaning tekshiruvlar natijasida xulosa qilishicha, kelishuv bozordagi raqobatga salbiy ta'sir ko‘rsatmaydi.

Avvalroq Amazon obligatsiyalariga talab hajmi Belarus YaIM bilan teng bo‘lgani xabar berilgandi.