Millionlarni pisand qilmagan qimorbozlar qo‘lga olindi

Pastdarg‘om tumanida o‘tkazilayotgan “Tozalash” tadbiri davomida profilaktika inspektorlari tomonidan “qimorbozlar” qo‘lga olindi. Bu haqda KUN.UZ’ga IIV Huquqbuzarliklar profilaktikasi bosh boshqarmasi xabar berdi.

2017 yil 23 avgust kuni, soat 11.00larda Pastdarg‘om tuman IIB HPB profilaktika inspektorlari tomonidan Pastdarg‘om tumani “O‘rta charxin” mahallasida yashovchi fuqaro U.M. yashash uyining alohida xonasida pul evaziga qimorxona tashkil qilib, qimor o‘yini ishtirokchilari I.I., Sh.Yu. va U.X.larga qimor o‘yini uchun sharoit yaratib berganligi aniqlanib, qo‘lga olindi.

O‘yinga tikilgan 1.783.000 so‘m pul va o‘yin kartalari daliliy ashyo sifatida hujjatlashtirib olindi.

Mazkur holat yuzasidan Pastdarg‘om tumani IIB tomonidan fuqaro U.M.ga nisbatan O‘zbekiston Respublikasi JKning 278-moddasi 1-qismi bilan jinoyat ishi qo‘zg‘atildi.