Qutqaruvchilar qo‘li elektr go‘sht qiymalagichga qisilib qolgan 3 yoshli qizchaga yordam berishdi

2017 yilning 4 sentabr kuni Toshkent shahar Favqulodda vaziyatlar boshqarmasi tezkor navbatchisiga Respublika shoshilinch tez tibbiy yordam ko‘rsatish markazidan 3 yoshli qizchaning qo‘li elektr go‘sht qiymalagichga kirib, qisilib qolganligi to‘g‘risida xabar kelib tushdi. Bu haqda FVV matbuot xizmati xabar bergan. 

Toshkent shahar Favqulodda vaziyatlar boshqarmasi Qutqaruv otryadi qutqaruvchilari zudlik bilan Respublika shoshilinch tez tibbiy yordam ko‘rsatish markaziga etib borishdi.

Ular shifokorlar bilan hamkorlikda qizchaning elektr go‘sht qiymalagichga kirib, qisilib qolgan qo‘lini maxsus asbob-anjomlar yordamida chiqarib olishdi.