Xosep Gvardiola: «Arsenal»da Sterlingni Sanchesga almashtirish uchun hech qanday imkoniyat yo‘q edi»

«Manchester Siti» bosh murabbiyi Xosep Gvardiolaning ta'kidlashicha, uning shaxsan o‘zi Rahim Sterlingni «Arsenal»ga Aleksis Sanches uchun almashishini taqiqlagan.

«Arsenal»bilan transfer oynasining so‘nggi kunida muzokaralar olib borganimizda,ular Sterlingni qo‘lga kiritishni istashdi.

Ular men bilan suhbatlashishdi va men ularga darhol aytdim: «Hech qanday variantingiz yo‘q, transfer uchun nol imkoniyat. Bu almashinuvning amalga oshishi bir foizgayam teng emas, chunki men Rahimga to‘liq ishonaman».

«U bor-yo‘g‘i 22 yoshda, u ingliz, Rahim yana o‘sishga qodir futbolchi. Biz faqat Sanchesni pul evaziga sotib olishga tayyor edik.

Yakunda Aleksis «Arsenal»da qoldi. Qishki transferlar vaqtida nima bo‘lishini bilmayman, ba'zida shunday transferlar amalga oshmay qoladi», – deya Gvardiolaning so‘zlarini keltiradi Sky Sports.