Guterresh KXDR bo‘yicha Pan Gi Mundan yordam so‘ramoqchi 

BMT bosh kotibi Antoniu Guterreshning ma'lum qilishicha, KXDR atrofidagi vaziyatga yechim topishda vositachi bo‘lishga, shuningdek, bu masalaga o‘zidan avvalgi bosh kotib Pan Gi Munni jalb qilishga tayyor.

«Men Pan Gi Mun bilan bog‘lanish niyatidaman. Mening xodimlarim uning avvalgi jamoasidagi qator a'zolar bilan bog‘lanishdi. Uning maslahatlari va bilimlari bu vaziyatda menga yordam berishi mumkinligiga ishonmoqdaman», - deya Guterreshning so‘zlarini keltiradi RIA Novosti.

Uning ta'kidlashicha, tashkilotning sobiq rahbari barcha hurmat qiladigan shaxs bo‘lib, uning istalgan tashabbusi ma'qullanadi.

Bundan tashqari, Guterreshning ma'lum qilishicha, KXDR bilan bog‘liq vaziyatga yechim topishda «o‘zining xizmatlarini taklif etishga» tayyordir.

«Tomonlar o‘rtasida vositachi bo‘lish mumkin, biroq tomonlar faqatgina bunga kelishib olishi kerak. Oldin ham aytgandim, siyosiy yechim uchun barcha kerakli narsani qilishga tayyorman», - deya ta'kidlab o‘tdi BMT bosh kotibi.

Avvalroq KXDR BMT Xavfsizlik Kengashining sanksiyalarini butunlay rad etgani xabar qilingandi.