Ramosning yangi qirrasi, To‘sunning zambarakdek zarbasi – YeChLning eng yorqin lahzalari

Yevropa chempionlar ligasi guruh bosqichida birinchi tur o‘yinlari yakunlandi. 12 sentabr kuni A, B, C va D guruhlarida asosan kuchli jamoalar kuchsiz jamoalarni osonlik bilan yengishi kuzatilgan bo‘lsa, keyingi kunda keyingi guruhlarda bir muncha teng kurashlarga guvoh bo‘lindi. 

Ikkinchi kunda ham birinchi kundagi kabi gollar ko‘p bo‘ldi, 8 uchrashuvda muxlislar 26ta gol guvohiga aylanishdi (Birinchi kuni shuncha uchrashuvda 28ta gol urilgandi). Bu gollar birinchi kundagiga qaraganda chiroyliroq ham bo‘ldi.

E guruhi
«Liverpul» – «Sevilya» – 2:2 (Roberto Firmino, 21. Saloh, 37 – Ben Yyedder, 5. Korrea, 72).
Noaniq penalti: Roberto Firmino, 42 (shtanga).
«Maribor» – «Spartak» – 1:1 (59, Samedov, 0:1 – 85, Boxar, 1:1).

«Enfild» qizardi
Inglizlar va ispanlar uchrashuvi kutilmagan holatda boshlandi – Ben Yyedder 5-daqiqadayoq himoyachilar xatosidan unumli foydalanib, mehmonlarni oldinga olib chiqdi.

Javob goli ham tez ro‘y berdi – Roberto Firmino Ouen, Litmanen, Sisse, Morentes va Balotelli kampaniyasiga qo‘shildi –  u «Liverpul» safida Chempionlar ligasidagi debyut uchrashuvdayoq gol urgan oltinchi futbolchiga aylandi.

«Liverpul» bosimni davom ettirdi, Saloh himoyachidan to‘pni olib qo‘yib, uni darvoza to‘riga yo‘naltirdi. Ammo Firmino o‘yin qahramoniga aylana olmadi, u penaltidan gol ura olmadi. Darvoza ustuni unga xalal berdi.

Shundan so‘ng «Enfild» qizara boshladi. Mehmonlar jamoasi bosh murabbiyi Eduardo Beritstso sportga xos bo‘lmagan harakatlari tufayli chetlatildi Eduardo, o‘yin oxirida esa mezbonlar himoyachisi Jo Gomes hakam bilan tortishgach, maydondan haydaldi. «Liverpul» o‘yin davomida ustunlik qildi, darvozaga 22 marta zarba berildi, raqibda esa bu ko‘rsatkich 3ta. Lekin  Muriel va Korreaning zarbalari aniq bo‘lib, o‘yinda 2:2 hisobi qayd etildi.

Endi keyingi turda, 26 sentabr kuni Klopp shogirdlari Moskvada «Spartak» mehmoni bo‘lishadi, «Sevilya» «Maribor»ni qabul qiladi.

F guruhi
«Feyyenoord» – «Manchester Siti» – 0:4 (Stouns, 2, 63. Aguero, 10. Gabriel Jyezus, 25).
«Shaxtyor» – «Napoli» – 2:1 (Tayson, 15. Ferreyra, 58 – Milik, 72, penalti).

Stounz - «Manchester Siti»ning boshi

Chempionlar ligasidagi oxirgi 6 uchrashuvda «Manchester Siti» bitta ham g‘alabaga erishmagandi (3 durang, 3 mag‘lubiyat) va bu uchrashuvlarda jamoa 14 gol o‘tkazgandi. Niderlandiya chempioniga qarshi uchrashuv bu noxush seriyaga chek qo‘yishi kerak edi va «Manchester Siti» o‘z muxlislarini xafa qilmadi.

0:4 hisobidagi mag‘lubiyat niderlandlar klubi tarixida yevrokuboklardagi eng yirik mag‘lubiyat bo‘ldi, Jon Stouns esa inglizlr jamoasida Chempionlar ligasining bir o‘yinida ikki gol urgan ilk futbolchi bo‘ldi.

«Shaxtyor» g‘alaba bilan boshladi

«Shaxtyor» Yevropadagi eng nufuzli turnirdagi 12-ishtirokini g‘alaba bilan boshladi. «Shaxtyor» himoyada ishonchli, hujumda aniq harakat qildi: ikki gol urildi, italyanlarga hujumda erkin harakat qilishga imkon berilmadi, mehmonlarning yagona javob goli penaltidan urildi.

«Napoli» YeChLda keyingi 7 o‘yinidan to‘rtinchi marta mag‘lub bo‘ldi. Endilikda guruhda birinchi turdan keyin «Shaxtyor» «Man Siti» bilan birga yetakchi bo‘lib turibdi.

26 sentabr. «Napoli» – «Feyyenoord». «Manchester Siti» – «Shaxtyor».

G guruhi
«Portu» – «Beshiktosh» – 1:3 (D.Toshich, 21, avtogol – Taliska, 13. Jyenk To‘sun, 28. Babel, 86).
«Leyptsig» – «Monako» – 1:1 (Forsberg, 33 – Tilemans, 34).

«Beshiktosh»ning supergoli

«Dragau» stadionida 4ta gol urildi, ammo bu gollarning barchasi turklar jamoasi tomonidan urildi. Bu gollarga Taliska, Jyenk To‘sun va Babel, shuningdek, o‘z darvozasini ishg‘ol etgan Toshich muallif bo‘ldi. Portugallar jamoasi «Beshiktosh»ga qarshi hech narsa qila olmadi. Bu o‘yinda «Real»ning sobiq futbolchisi Pele ishonchli harakat qildi va mehmonlar jamoasiga hujumda erkin harakat qilishga imkon bermadi. To‘sunning goli nafaqat bu o‘yinning, balki kechaning bezagiga aylandi.

Bu o‘yin Kasilyasning Chempionlar ligasida 19 mavsumni boshlamoqda. U bu borada Rayan Giggzga tenglashib oldi. Lekin uning bu starti muvaffaqiyatsiz bo‘ldi.

«Monako» yulduzlarsiz ham Germaniyadan ochko olib qaytdi

Turnirda debyut qilgan Germaniyaning «RB Leyptsig» jamoasi Fransiya chempionini qabul qildi. «Monako» transferlar oynasi vaqtida asosiy yetakchilaridan ayrilgan bo‘lsada, jamoaviy o‘yin ko‘rsatdi va natijaga erishdi. Ikki jamoa ham bittadan gol urdi, mezbonlar safida Emil Forsberg hisobni ochgandi, ko‘p vaqt o‘tmasdan monegaskliklarning belgiyalik legioneri Yuri Tilemans javob golini yo‘lladi.

26 sentabr. «Monako» – «Portu». «Beshiktosh» – «Leyptsig».

H guruhi
«Real» – APOEL – 3:0 (Krishtianu Ronaldu, 12, 51, penalti. Serxio Ramos, 61).
«Tottenhem» – «Borussiya» D – 3:1 (Son Xyun Min, 4. Keyn, 15, 60 – Yarmolenko, 11). Chetlatish: Fertongen (T), 90+2.

Ramosning «qaychi uslubi»

Ispaniya chempionlari navbatdagi g‘alabani qo‘lga kiritdi va qatorasiga uchinchi kubokni qo‘lga kiritish uchun odimladi. Kiprliklarga qarshi o‘yinda ancha vaqtdan buyon endi maydonga qaytgan Ronaldu dublni rasmiylashtirdi, uning hisobida endi Chempionlar ligasida urilgan 107 gol bor.

O‘yinni Ramosning «qaychi uslubi»da bergan zarbasidan keyin ro‘y bergan gol bezab berdi. Ramos – endi Ispaniya chempionati vakillari orasida eng ko‘p gol urgan himoyachi.

«Borussiya» «Uembli»da qurolsizlantirildi

«Shpor»lar Keynning dubli va koreyalik hujumchi Son Xyun Minning goli evaziga ishonchli g‘alabaga erishdi. Avgustni golsiz o‘tkazgan Keyn sentabrda 4 gol urishga erishdi. «Borussiya» Dembelesiz hujumda rang barang o‘yin ko‘rsata olmayapti, himoyada ham ishonchli o‘ynay olmayapti. Bu g‘alabadaye keyin «Tottenhem»dan «Uembli» tavqi la'nati olindi, deyish mumkin.

Qayd etish kerakki, dortmundliklarning yagona javob goli juda chiroyli chiqdi.

26 sentabr. «Borussiya» D – «Real». APOEL – «Tottenhem».