Qoʻshimcha funksionallar
-
Tungi ko‘rinish
Ekvador prezidenti ishchi xonasida 8 yil davomida yashirin kamera ishlagan
Ekvador prezidenti Lenin Moreno uning ishchi xonasida yashirin videokamera o‘rnatilgani va u 8 yil davomida ishlab kelganidan xabar topgach, g‘azab otiga mindi. U bu haqda tvitterda ma'lum qildi.
“Men bundan karaxt holdaman va g‘azabdaman. Mening xonamda masofadan boshqariluvchi yashirin kamera o‘rnatilgan bo‘lgan. Bu shaxsiy hayotga qarshi jinoyat”, deb yozgan Moreno.
Uning aytishicha, kamera undan avvalgi prezident Rafael Korrea tomondan o‘rnatilgan bo‘lgan. Korrea bu lavozimni 2007 yildan 2017 yilgacha egallab kelgan.
Morenoning ta'kidlashicha, Korrea kameradagi tasvirni o‘z telefoniga olgan bo‘lishi mumkin. Prokuraturaga ushbu holat yuzasidan tergov boshlash topshirilgan.
Moreno prezident lavozimini bajarishga 2017 yil 24 mayda kirishgan. 1998 yilda o‘g‘rilar hujumi oqibatida olgan jarohati sababli uning tanasining pastki qismi ishlamaydi. U nogironlar aravachasida harakatlanadi. Moreno 2013 yildan beri BMT bosh kotibining nogironlik masalalari bo‘yicha maxsus elchisi lavozimini egallab keladi. Imkoniyati cheklangan odamlarga yordam berishdagi faoliyati uchun 2012 yilgi Nobel mukofotiga nomzodi qo‘yilgandi.
Mavzuga oid
10:16 / 16.09.2024
Farg‘ona pedagogika mahorat markazida xonalardan birida yashirin kamera aniqlandi. Uni o‘rnatgan o‘qituvchi uzr so‘radi
16:41 / 24.05.2023
Qizlar yotoqxonasiga yashirin kamera o‘rnatilgan institut prorektori jarimaga tortildi
13:55 / 08.04.2023
Qizlar xonasiga o‘rnatilgan yashirin kamera: Bu kimga va nega kerak bo‘ldi?
23:16 / 05.04.2023