Instagram ijtimoiy tarmog‘ida foydalanuvchilar izohlarini cheklovchi funksiya paydo bo‘ldi. Sozlamalarda to‘rt xil variant taqdim etiladi: barchaning izoh qoldirishiga ruxsat berish, faqat sahifasiga yozilgan do‘stlaringizdan, faqat sizning sahifangizga yozilgan do‘stlaringizdan, ikkinchi va uchinchi variantdagilarga.
Avval ochiq sahifalarda izohlar barcha uchun ochiq bo‘lardi: u yerda ham do‘stlar, ham begona foydalanuvchilar izoh qoldirishi mumkin edi. Yopiq akkauntlarda begona foydalanuvchilar avvalgidek na suratlar va na izohlarni ko‘ra olishmaydi.
Bundan tashqari, muayyan insonlarning izohlarini bloklash funksiyasi paydo bo‘ldi. Bloklangan foydalanuvchining izohlarini faqat uning o‘zigina ko‘ra oladi, shuningdek u izohlari bloklanganidan xabar topmaydi. Bunga qadar ma'lum bir foydalanuvchining izohlarini bloklash uchun uni qora ro‘yxatga qo‘shish kerak bo‘lgan.
Instagram rahbariyati shuningdek jonli translyatsiyalar uchun anonim murojaat tugmasini qo‘shdi. Foydalanuvchilar qo‘llab-quvvatlashga muhtoj odam strimini ko‘rishlari bilan servis ma'muriyatiga xabar berishlari mumkin. Unga maslahat olish yoki ishonch telefoniga qo‘ng‘iroq qilish taklif etiladi.
25 sentabr kuni Instagram foydalanuvchilari soni yarim yilda 100 million kishiga ko‘paydi va 800 millionga yetdi.
