Kataloniyadagi barcha saylov uchastkalari ovoz berish uchun ochildi

Kataloniya hukumati har bir saylovchi mustaqillik referendumida ishtirok etishi mumkinligini ma'lum qildi. El Pais xabarida saylovchilar uchun barcha saylov uchastkalari ochib qo‘yilgan, shuningdek, masofadan turib referendumda ishtirok etish mumkin.

Avvalroq Ispaniya hukumati Kataloniyadagi 2315 ta saylov uchastkasidan 1300 dan ziyodi politsiya tomonidan yopilgani haqida hisobot bergan edi. Keyinroq referendum tashkilotchilari 163ta maktabni egallab olib, ularning yopilishiga qarshilik ko‘rsatishga qaror qildi va tunni maktablarda o‘tkazdi.

Referendum mahalliy vaqt bilan 9:00 da (Toshkent vaqti bilan soat 12:00da) boshlandi. Saylov uchastkalari soat 20:00gacha ochiq bo‘ladi.

30 sentabr kuni Ispaniya hukumati hech qanday ovoz berish bo‘lmasligi, referendum «davlat tomonidan bekor qilingani»ni ma'lum qilgandi.