Kataloniyadagi mustaqillik referendumi vaqtida saylovchilar va ispan politsiyasi o‘rtasida boshlangan to‘qnashuvlar davomida jarohat olganlar soni 38 nafarni tashkil qilmoqda. Bu haqda hudud sog‘liqni saqlash departamenti rahbari ma'lumot bergan.
Qayd etilishicha, jarohatlanganlarning 3 nafarining ahvoli jiddiy.
To‘qnashuvlar politsiya saylov uchastkalariga bostirib kirib, hujjatlar va saylov byulletenlarini yig‘ishtirib olib keta boshlagach, yuzaga keldi.
Saylovchilar qarshilik ko‘rsatgach, Madriddan yuborilgan politsiyachilar ularga rezina o‘qlar otishga o‘tdi.
