O‘zbekiston va Qirg‘iziston chegaralarni 1 dekabrga qadar muvofiqlashtirishni rejalashtirmoqda

Qirg‘iziston prezidenti Almazbek Atamboyev 2017 yilning 1 dekabrigacha O‘zbekiston va Qirg‘iziston umumiy chegaraning 217 kilometri bo‘yicha kelishib olishiga umid bildirdi.

Almazbek Atamboyevning eslatishicha, mamlakatlar chegaraning 85 foizini muvofiqlashtirib olishdi. U 1 dekabrga qadar qolgan 217 kilometr bo‘yicha ham hujjatlar imzolanishiga umid bildirdi. Atamboyevning qo‘shimcha qilishicha, tomonlar chegaraning 217 kilometridan 40 kilometri bo‘yicha kelishib olishgan.

Qirg‘iziston rahbari shunday degan: «O‘ylashimcha, noyabrda biz oxiriga yetkazilmagan ishlarni yakunlashga ulguramiz». Uning aytishicha, O‘zbekiston hamda Qirg‘iziston chegarada yana bir nechta nazorat-o‘tkazish punktini ochishga kelishib oldi.