Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Мирзиёев Қирғизистон президентига ҳамдардлик билдирди
17:24 / 07.10.2017
58395
Фото: Zakon.kz

Ўзбекистон Республикаси президенти Шавкат Мирзиёев Қирғизистон Бош вазири ўринбосари Темир Жумақодировнинг йўл-транспорт ҳодисаси оқибатида бевақт вафот этгани муносабати билан Қирғизистон Республикаси президенти Алмазбек Атамбоевга ҳамдардлик мактуби йўллади. Бу ҳақда Ташқи ишлар вазирлиги матбуот хизмати хабар бермоқда.

Қайд этилишича, давлат раҳбарининг мактубида «Менинг самимий таъзиямни қабул қилинг ҳамда марҳумнинг оила аъзолари ва яқинларига чуқур ҳамдардлик сўзларимни етказиб қўйишингизни сўрайман», - дейилган.

Эслатиб ўтамиз, Қирғизистон бош вазири ўринбосари Темир Жумақодиров, унинг ёрдамчиси ва ҳайдовчиси бугун ЙТҲ оқибатида ҳаётдан кўз юмди. Хабар қилинишича, ичида давлат мулозими бўлган Toyota Land Cruiser "КамАЗ"русумли юк машинаси билан тўқнашиб кетган. 


Улашинг
Top