Abe Yaponiya bosh vaziri lavozimiga qayta saylandi

Sindzo Abe mamlakat parlamentining quyi palatasidagi ovoz berish natijalari bo‘yicha Yaponiya Bosh vaziri lavozimiga qayta saylandi, deya xabar bermoqda RIA Novosti muxbiri vakillar palatasi majlislar zalidan.

22 oktabr kuni bo‘lib o‘tgan vakillar palatasi saylovlarida ko‘pchilik ovoz olgan Liberal-demokratik partiya yetakchisi Sindzo Abe aksariyat ovozlarni to‘pladi va vazirlar mahkamasi rahbari lavozimini saqlab qoldi.

Eslatib o‘tamiz, Yaponiyaning Liberal-demokratik partiyasi va Komeyto partiyasi tuzgan koalitsiya 22 oktabrda mamlakatdagi parlamentning quyi palatasiga saylovlarda deputatlik mandatlarining uchdan ikkisini qo‘lga kiritib, konstitutsiyaviy ko‘pchilikni ta'minlagandi.