Prodyuser Ruslan Mirzayev hamda rejissyor Ozod Shams ijodiy guruhi tomonidan olti oy davomida tayyorgarlik ko‘rilayotgan “Snayper” o‘tkir syujyetli dramaning suratga olish ishlari boshlanmoqda. S'yomkalarga ertaga, 2-noyabrdan start beriladi.
Film prodyuseri Ruslan Mirzayev bergan ma'lumotlarga ko‘ra, mazkur film uchun sarflanayotgan mablag‘ bugungi kunda suratga olinayotgan filmlarga sarflanayotgan mablag‘dan 10-15 barobar ortiqroqdir.
Mazkur film uchun havaskor aktyor va aktrisalar o‘rtasida emas, balki haqiqiy professional aktyorlar o‘rtasida kasting bo‘lib o‘tdi.
Filmda Ulugbek Qodirov, Matyoqub Matchonov, Saida Rametova, Shuhrat Umarov va turk aktyorlari bosh rollarni ijro etishadi.
Filmning asosiy suratga olish ishlari O‘zbekiston, Rossiya Federatsiyasi hamda Turkiyada bo‘lib o‘tishi rejalashtirilmoqda.
