Dunyoning eng badavlat kishilaridan biri film bosh qahramoniga aylandi

Alibaba Group asoschisi Jyek Ma "Gong shou dao" ("Jang san'ati qo‘riqchilari") nomli qisqa metrajli filmda bosh rolni ijro etdi.

Film 11 noyabr, ya'ni Xitoyda an'anaviy ommaviy chegirmali sotuvlar yo‘lga qo‘yiladigan Bo‘ydoqlar kuni nishonlanadigan sanada katta ekranlarga chiqdi.

Film prodyuseri - mashhur jangari aktyor Jyet Li, Jyek Ma u bilan 2007 yildan buyon tanish. Qolgan rollarni mashhur aktyorlar va jang san'ati ustalari ijro etishgan - Donni Yyen, Jyeki Vu, Toni Jaa, boks bo‘yicha Olimpiya chempioni Tszou Shimin, shuningdek tarixda eng yuqori mavqe - yokodzunaga erishgan mo‘g‘ulistonlik ilk jangchi Asasyoryu Akinori.

Syujyetga ko‘ra, Jyek Ma ko‘chada ketaturib, u yerda muqaddas Xuashan tog‘larini ko‘radi. Ko‘zlarini yumib, birin-ketin qator jangchilar bilan ketma-ket kurasha boshlaydi.

Treyler oxirida aktyor Jyeyson Steytem, bokschilar Menni Pakyao hamda Gennadiy Golovkin namoyon bo‘lishadi va Jyek Ma bilan kelgusi janglarga ishora qilishadi.

Ishbilarmon 2015 yilda o‘zining taytszitsyuan - Xitoy jang san'atiga qiziqishi haqida gapirib o‘tgandi: "Tinchlan - ilojsiz narsaning o‘zi yo‘q. Muvozanat saqla. Biznes - bu musobaqa, musobaqa esa quvnoq bo‘ladi. Biznes  - sen o‘lib, men g‘olib bo‘ladigan jang maydoni emas. Biznesda hatto sen o‘lsang ham, men g‘olib bo‘la olmayman".

2013 yilda ishbilarmon o‘z ko‘nikmalarini sahanada omma oldida namoyish qilgan.