Moskvada "Tablig‘i Jamoat" rahbarlari va a'zolari qo‘lga olindi

Rossiya maxsus xizmati "Tablig‘i Jamoat" ekstremistik tashkilotining 69 nafar rahbar va a'zolarini qo‘lga oldi. Mintaqaviy guruhga Markaziy Osiyodan kelgan fuqarolar rahbarlik qilgan. Biroq guruhga rossiyaliklar ham a'zo bo‘lgan. Federal xavfsizlik xizmatining qo‘shimcha qilishicha, "Tablig‘i Jamoat" a'zolari yashirinishga va huquq-tartibot idoralari xodimlariga qarshilik ko‘rsatishga uringan. 

Ekstremistlardan taqiqlangan adabiyotlar, aloqa vositalari va elektron ma'lumot saqlagichlarni musodara qilishgan. Ularga nisbatan jinoiy ish qo‘zg‘atilgan. 

"Tablig‘i Jamoat" 1926 yili Hindistonda tashkil etilgan. 2009 yili Rossiya Oliy sudi uni ekstremistik tashkilot deb e'tirof etgan.