«Мен ўйнашга, кортга чиқишга тайёр эмасман, бироқ мен ҳаракат қилиб, уриниб кўришим керак эди. Мен фаолиятим давомида ушбу мусобақани камдан-кам ўтказиб юборганман, бироқ мавсумим ўз ниҳоясига етди», - дея айтиб ўтди Надаль.
Эслатиб ўтамиз, Надаль ATP Якуний мусобақаси гуруҳ босқичининг илк учрашувида бельгиялик Давид Гоффенга 6:7 (5:7), 7:6 (7:4), 4:6 ҳисобида мағлуб бўлди. Испаниялик ракетка устаси кейинги учрашувда австриялик Доминик Тим билан куч синашиши лозим эди.
