Internetda tarantula o‘rgimchagi va tropik hasharotning ayovsiz jangi videosi tarqaldi

Tropik zaharli hasharot o‘zidan 2 marta yirik bo‘lgan tarantula o‘rgimchagiga hujum qilganiga doir video YouTube saytida e'lon qilindi.

Tasvirda tarantula lochini bir necha marta o‘rgimchakni chaqqanini ko‘rish mumkin. Tarantulaning o‘zi dastavval raqibiga qarshilik ko‘rsatishga urindi. Biroq keyinchalik sekinlashib qoldi va mag‘lub bo‘ldi.

Tarantula lochinlari o‘rgimchaklarni ovlaydi. Ular ovini shok holatiga soladi va unga urug‘ qo‘yadi. Hasharot lichinkasi tanadan chiqqach, yana 2 oylar mobaynida tirik o‘rgimchak tanasida oziqlanadi.