Atamboyev kechirim so‘radi

Qirg‘iziston prezidenti lavozimini tark etayotgan Almazbek Atamboyev kimni xafa qilgan bo‘lsa, barchadan kechirim so‘radi.

Uning aytishicha, «bu 6 yil juda murakkab bo‘lgan, asablar esa temirdan emas».

«Hurmatli jurnalistlar, agarda men ancha keskin bo‘lgan bo‘lsam – bu faqat sizlarga nisbatan yuz bermadi. Men ba'zida juda keskin gapiraman. Agarda kimnidir xafa qilgan bo‘lsam, hattoki men haq bo‘lgan bo‘lsamda, baribir kechirim so‘rayman», - deya aytib o‘tdi Atamboyev.

Uning umid bildirishicha, keyingi prezidentning muomalasi biroz yumshoqroq bo‘ladi.

Eslatib o‘tamiz, avvalroq Atamboyev endi nima qilishini aytgandi.