Yirik xalqaro telekommunikatsion yechimlar, mobil Internet uchun korporativ va iste'molchi texnologik yechimlar ta'minotchisi bo‘lgan ZTE Corporation Kompaniyasi (0763.HK / 000063.SZ) Toshkent Axborot Texnologiyalari Universiteti (TATU) talabalari uchun ZTE Uzbekistan vakolatxonasida amaliyot o‘tash xaqida taqdimot o‘tkazdi.
ZTE O‘zbekiston bozorida 12 yildan ortiq vaqt mobaynida faoliyat yuritib kelmoqda va O‘zbekiston Respublikasida axborot-kommunikatsiya texnologiyalarini jadal rivojlantirishga ko‘maklashmoqda. Jihozlarni yetkazib berishdan tashqari, ZTE ta'lim sohasiga ham e'tibor qaratmoqda. ZTE kompaniyasi O‘zbekistondagi uchta davlat OO‘Yulariga: Toshkent axborot texnologiyalari universiteti, Toshkent davlat iqtisodiyot universiteti va Samarqand davlat chet tillar institutiga Smart Classroom tizimini bepul taqdim etdi.
Bugungi kunda ZTE dunyoga taniqli kompaniyada amaliyot o‘tash uchun yosh iste'dodlarni jalb qilayapdi. Ushbu amaliyotni amalga oshirishdan maqsad:
1 - Iqtidorli talabalarga ta'lim berayotganligi uchun universitetga hurmat, minnatdorchilik bildirish, professional amaliy mashg‘ulotlar o‘tkazish.
2 – Kadrlar to‘plash. Amaliyot yakunlanganidan so‘ng, professional ishlash va kompaniya talablariga muvofiq, ZTE vakolatxonasida ishlash uchun eng yaxshi stajyorlarni tanlab oladi, ushbu talabalarning nomlari to‘liq tanlovdan so‘ng e'lon qilinadi.
Taqdimot TATUning majlislar zalida bo‘lib o‘tdi, 3 va 4-kurslarda o‘qiydigan 200 ga yaqin talaba ishtirok etdi. Kompaniya haqida kompaniyaning texnik menejyeri Timur Mamedov so‘zlab berdi. Shundan so‘ng lotereya o‘yini o‘tkazildi, lotereya o‘yinida 5 nafar omadli talaba USB-flash drives yutib olishdi, 2 talaba ZTE WIFI modems qo‘lga kiritdi va 1 talabaga ZTE Smartphone Nubia ko‘rinishida omad kulib boqdi. Keyingi qismda sotishdan oldingi bo‘lim menejyeri Li Nataliya TATU bitiruvchisi sifatida ZTE dagi o‘z ish tajribasi bilan o‘rtoqlashdi. Yakuniy qismda ZTEda ishlash va amaliyot o‘tash uchun tanlab olishga oid to‘g‘ridan-to‘g‘ri savollar va javoblar bo‘lib o‘tdi, unda xodimlar bo‘limi mutaxassislari talabalarni qiziqtirgan barcha savollarga shaxsan javob berdilar.
