«Real» Dibala uchun rad etish qiyin taklif tayyorlamoqda

Madridning «Real» klubi prezidenti Florentino Peres Turinning «Yuventus» klubi hujumchisi Paulo Dibalani sotib olishni rejalashtirmoqda. Bu haqda Rai Sport nashri xabar tarqatdi.

Manba bergan xabarga ko‘ra, 24 yoshli argentinalik futbolchisi «Inter» hujumchisi Mauro Ikardi bilan birgalikda jamoa ko‘z ostiga olgan futbolchilar qatorida e'tirof etilmoqda.

«Real» Dibalani sotib olish uchun turinliklarning asosiy transfer maqsadlaridan biri – yarimhimoyachi Toni Kroosni ham berib yuborishga tayyor bo‘lib turibdi.

Hozirda «Yuventus» Dibalani saqlab qolish uchun unga yangi, yaxshilangan shartnoma taklif qilishi kutilmoqda.