Hindistonga yopirilgan siklon oqibatida 39 kishi halok bo‘ldi 

Hindistonning sohilbo‘yi hududdlariga yopirilgan tropik siklon “Okxi” oqibatida kamida 39 kishi halok bo‘lgan, 120 kishi jarohat olgan. Bu haqda Hindustan Times nashri xabar bermoqda. 

Ta'kidlanishicha, tabiiy ofat oqibatida 160 ga yaqin baliqchi bedarak yo‘qolgan.

Nashr ma'lumotlariga ko‘ra, asosiy talofatlar Kerala va Tamilnad shtatlariga to‘g‘ri kelgan. Oxirgi kunlar davomida bu shtatlarda siklondan 36 ming kishi jabr ko‘rgan. 

Meteorologik ma'lumotlarga ko‘ra, vaziyat barqarorlashadi. Ba'zi hududlarda qisqa muddatli yomg‘irlar bo‘lib turadi va mutaxassislarning fikricha, siklonning eng vayronkor zarbasi ortda qoldi.